17.10.2022ж. күні мектеп кітапханасында Республика күніне орай кітап көрмесі ұйымдастырылды.  Мақсаты: Оқушыларға туған жерін, туған елін, халқын ардақтап өтуге үйрету, патриоттық сезімдерін ояту.

“Ұлттық тәрбие - ұлт болашағы” тақырыбы бойынша сынып жетекшілер әдістемелік бірлестігінің онкүндігінің жоспары аясында 9 ”Г” сынып оқушылары арасында “Отбасындағы ұлттық тәрбие” тақырыбында ашық сабағы өткізілді.  Мақсаты: Ұлттың құндылығы туралы түсініктерді, отбасы туралы ұғымдарды кеңейту және оны сүйе білу, ұлттар арасындағы достастықтың маңызы, ата-ана және бала қарым-қатынасын, өзара байланысын қалыптастыру болып табылады.

9 «В» сыныбында «Қыз мінезді келсін, ұл өнерлі келсін» тақырыбында ашық сынып сағаты өткізілді.  Мақсаты: Қыз бен ер баланың бойына тән өнерлік, тәлімдік қасиеттермен, ұлттық салт-дәстүр, әдет-ғұрыптармен таныстыру, бір-бірін шынайы құрметтеп қастерлей білуге,өзара достық қарым-қатынасты қалыптастыра отырып, эстетикалық тәрбие беру.

"Ұлттық тәрбие-ұлт болашағы" тақырыбында өтіп жатқан сынып жетекшілер әдістемелік бірлестігі онкүндігінің жоспары аясында 11 сынып оқушылары арасында «Ұлттық тәрбиенің этика-эстетикалық негіздері» тақырыбында коучинг өткізілді. Мақсаты: Ұлттық сана-сезімі қалыптасқан, ұлттық мүдденің өркендеуіне үлес қоса алатын ұлттық құндылықтар мен жалпы адамзаттық құндылықтарды өзара ұштастыра алатын ұлтжанды тұлғаны тәрбиелеу.

5 "Д" сыныбында "Ұлттық құндылықтар - тәрбиенің түп қазығы" тақырыбында тәрбие сағаты өткізілді. Мақсаты: Тәрбиеленушілерді ұлттық құндылықтарды құрметтеуге тәрбиелеу, ұлттық құндылықтар - біздің тіршілігіміз, бабаларымыздан қалған асыл мұра екенін түсіндіру.

Мектебіміздің педагог-психологы 5 сыныптар арасында “Мен өмірді сүйемін!“ тақырыбында әңгімелесу жүргізді. Мақсаты: 5 сынып оқушыларының мектепке қалыптасу дағдысын анықтау. Мектепте сабаққа деген ынтасын көтеру және жақсы көңіл-күй жағдайын орнату.