Мектебіміздің 8-11-сынып оқушылары арасында “ЖИТС XXI ғасыр індеті” тақырыбында бірыңғай сынып сағаттары өткізілді. Мақсаты: Оқушыларға ЖИТС-ның қазіргі таңдағы адамзаттың басты проблемасы екенін, оның зиянды жақтарын түсіндіру, ғасыр дертіне айналып отырған кеселдің залалын жан-жақты меңгерту, зиянды әдеттен барынша аулақ болуға шақыру. ЖИТС-ның адам өміріне зиянды әсерін аша отырып, олардың сана – сезімдерін тәрбиелеу және салауатты өмір сүруге азаматты жауапкершілітерін орнықтыру.

Мектебіміздің 3 "Г" сынып оқушылары арасында "Мейірімділік жүректен" тақырыбында инвалидтер күніне арналған сынып сағаты өтілді. Мақсаты: Балалардың санасына мейірімділік, қайырымдылық ұғымдарын қалыптастыру, әлеуметтік жағдайы төмен балаларға көмек көрсету, оқушыларды кішіпейілділікке, бауырмалдыққа баулу.

Мектеп кітапханасында «Қазыбек бидің нақыл сөздері” тақырыбында сұхбат жүргізілді. Мақсаты: Оқушыларға, Қазыбек бидің нақыл сөздерін оқыта, талдай отырып, адамгершілікке, білімділікке, жақсы қасиеттерге тәрбиелеу.

Көркем еңбек пән мұғалімдерінің ұйымдастыруымен «Қолөнер – сырлы өнер» атты 8-сынып оқушыларының арасында шығармашылық жұмыстарының көрмесі өткізілді. Мақсаты: Оқушыларды ұлттық қолөнерінің ерекшеліктерімен таныстыру, оның халықтың салт-тұрмысында алатын орнының қаншалықты маңызды екендігін ұғындыру, ұлттық құндылықтарды насихаттау, ұлттық өнерді, ұлттық тәрбиені оқушылардың бойына сіңіру, қолөнерін дамыту.

Мектебіміздің бастауыш сыныптарында "Өрт қауіпсіздігі" тақырыбында бірыңғай тәрбие сағаттары өткізілді. Мақсаты: Балалардың өрт қауіпсіздігі ережелері туралы білімдерін қалыптастырып, қауіп төнген кезде өздерін қорғай білуге машықтандыру болып табылады.