Алғыс айту – адамның біреудің жақсылығын, көмегін, қамқорлығын бағалап, ризашылық білдіруі. Бұл – адамгершілік пен әдептіліктің белгісі. Алғыс айту адамдар арасындағы сыйластықты арттырып, қарым-қатынасты нығайтады. «Адал азамат» біртұтас тәрбие бағдарламасы аясында мектебімізде «Алғыс-ізгі ниет» тақырыбында сынып сағаттары өтті.

Қазіргі қоғамда адамдардың бір-біріне қолдау көрсетуі ерекше маңызға ие. Осы орайда көмек бағдарламаларының рөлі зор. Көмек бағдарламасы – қиын жағдайға тап болған адамдарға әлеуметтік, психологиялық немесе материалдық тұрғыда жәрдем көрсетуге бағытталған арнайы жүйе. “Көмек” бағдарламасы негізінде түрлі тақырыптарда сынып сағаттары өтті.

«Адал азамат» біртұтас тәрбие бағдарламасы аясында №101 мектеп-гимназияның 2-сынып оқушылары арасында «Табиғат – Анаға алғыс» тақырыбында сурет байқауы өткізілді. Байқау барысында оқушылар табиғаттың әсемдігін, туған жерге деген сүйіспеншілігін және қоршаған ортаға деген қамқорлығын өз туындылары арқылы әсерлі бейнеледі. Әрбір жұмыстан балғын қиял, шынайы сезім және табиғатқа деген ерекше мейірім анық байқалды.